Mga kuwentong baboy!

Paunawa

2010-04-09T17:02:00.003+03:00

Ang mababasa n'yo dito ay sadyang isinulat halos sa wikang Filipino upang hindi maipaunawa sa ibang mga lahi na nasasangkot sa mga sumusunod na talata...

Ito'y hindi panghahamak o pang aalipusta kundi'y pagsasabi lamang ng totoo.

Mas maganda kung ito'y uumpisahan mo sa simula.

Ali Baba

2009-10-25T21:34:00.003+03:00

Siya'y sikat na bida sa isang Arabian literature na kumuha sa mga ginto ng apatnapung magnanakaw sa isang kweba at nakilala sa mga katagang "open sesame". Ngayon, ang salitang Ali Baba'y ginagamit na lang dito kung san ito nagsimula, kung tatawagin ka nilang magnanakaw, at maraming ganyan dito. At dahil nga tungkol sa mga Ali Baba ang paksa ko ngayon ay narito ang mga patotoo.

Nitong nakaraang Eid Holidays ay mahigit kumulang na sandaang kabataan ng bayang ito ang nanloob, nagbasag at nag Ali Baba sa maraming establisyemento na tulad ng Mcdo, KFC, Starbucks, Chinese Tandori, mga mamahaling boutique ng mga imported na salamin sa mata atbp. Ginawa nila ito ng sabay sabay sa pamamagitan ng pag hahati hati sa kanilang grupo sa iba't ibang lugar at pag atake sa iisang oras na sa sang saglit lamang ay parang dinaanan ng delubyo ang mga kawawang negosyo. Noon ay holiday at katatapos lang ng ramadan na sana'y nakapaghikayat sa kanilang magpakabanal. Siguro'y si Kassim,ang tampalasang kapatid ni Ali Baba, ang kanilang iniidolo. Nadakip naman ng mga pulis ang karamihan sa kanila at nawa'y naparusahan nang hindi na pamarisan.

Sumunod naman ay nitong nakaraang Biyernes lamang kung saan ay mayroong nang Ali Baba sa isang sikat na Ospital dito sa pamamagitan ng pagkuha ng isang maliit na vault mismo na naglalaman ng halos dalawan daaang libong Riyales. Nakuhanan sa mga CCTV camera ang ginawa ng Ali Babang iyon subalit hindi naman ito nakilala. Kasi nama'y nakasuot ito ng abaya, ito ang itim na mahabang damit na sinusuot karaniwan ng isang Arabiana at ng lahat ng babaeng Expat sa bayang ito na may tabing pati ang ulo na tanging mata lamang ang nakalitaw at minsan ang kamay ay mayroon ding itim na gwantes. Nagpanggap itong isang babae na may tulak-tulak na Stroller ng isang sanggol kung saan niya ilalagay ang naturang vault. Malaya s'yang nakagala sa buong ospital ng walang pumapansin kahit na ang mga gwardya dahil inakalang s'ya ay isang babae at istrikto ang batas ng bayang ito tungkol sa pakikitungo sa mga kababaihan. Kinabukasan na nadiskubreng nawawala ang vault at ng ito'y tingnan sa rekord ng mga kamera ay di kakatwang wala silang nagawa kundi hangaan na lang si Ali Baba.

Blood... blood...

2009-09-13T12:54:00.000+03:00

Padugo yan ang tawag ng mga pinoy dito sa pag bebenta ng dugo sa mga hospital na kadalasa'y ginagawa kung kailangan nila ng mabilisang pera. May kakilala ako na mayroon pang parang Suki card kung saan nakalagay doon ang mga petsa kung kailan siya nagpakuha ng dugo. Iba ibang ospital ang suki card nya at alam din niya kung magkano at alin ang mas mahal bumili ng dugo. Ang normal na bilihan ng dugo dito ay nasa 300 hangang 500 Riyal kaya sinusuyod nila ang mga ospital para malaman ang ibat ibang rate kapalit ng ilang basong dugo. Meron namang ospital na barat kaya pagkatapos mong magbigay ng dugo ay papakainin ka lang at bibigyan ng isang mp3 player.

Hindi ko maintindihan kung bakit mahal ang dugo dito kaya nga't marami ang ginagawa itong pagkakakitaan. Siguro'y madalang ang mga Arabong nagbibigay ng libreng dugo na tulad dyan sa atin na may tinatawag tayong blood letting at blood donation sa Red Cross. Siguro di'y hindi nila tradisyon ang pamimigay ng dugo at sagrado para sa kanila ang bawat patak ng dugo na nananalaytay sa kanilang mga kamay. Kaya nama'y halos lahat ng dugo sa mga blood bank ng bansang ito'y dugo ng mga banyaga na gipit sa salapi.

Masubukan nga ito...

Indian foods

2009-09-04T23:02:00.000+03:00

Masarap ang mga Indian foods!?!?!?!?...
Narito ang mga pagkaing tiyak na kapupulutan nyo ng magagandang aral sa pagluluto na eka nga eh "the best and unique recipe in the world".
1. Sopas na gatas na may halong sibuyas.
2. Pritong itlog na may palamang sandamukal na berdeng sili.
3. Nilagang itlog na may curry sauce.
4. sibuyas, malaking sibuyas as side dish.
5. sabaw na curry araw-araw...
6. lugaw na may curry
7. instant noodles na curry flavor
8. Beef fatties with curry
9. Egg plant and potatoes with curry sauce
10.Fish with curry
etc. with curry...

My TV channels

2009-08-29T15:04:00.000+03:00

Apat na channels lang ang napapakinabangan ko sa tv ko, HBO, Star Movies, GMA pinoy tv at BBC, minsan pa nga ay tinatanggal ang HBO at Star Movies lalo na at mayroong National Cricket competition na kasali ang India. Lahat ay Indian, Pakistan at Bangladeshi channels na maliban sa apat na ito, nakikikabit lang kasi kami sa satellite dish ng isang bumbay dito na empleyado rin ng aming kumpanya kapalit ng 20 Riyal buwan buwan.

Minsan kung wala akong mapanood na maganda sa mga channel na nabanggit ay sinusubukan kong sumilip ng mga Indian channels. Meron din silang kantahan na parang American Idol ang istayl kaya lang ay di ko alam kung bakit may nananalo eh pare-pareho lang naman ang tono, lahat ay matitining at matataas ang nota na di na kailangang huminga, siguro'y matatalo ka kung bigla mong nalimutan na di pala dapat hihinga. Yung iba namang palabas ay mas corny pa sa mga pelikula natin ha ha... yung mga action movies nila eh dapat laging may mababasag na dingding o salamin kapag sinuntok at tumilapon ang bida o ang kaaway. Halos lahat naman ng palabas sa iba pang channels ay sayawan at kantahan ng pare-parehong tono at magkakamukang sayaw. Ang sports naman nila na cricket ay di ko rin maintindihan kung pano nilalaro, ang pamalo nila ay parang palo-palo sa atin tuwing naglalaba yung mga tita ko sa probinsya. Ang HBO dito ay mayroong advertisement na puro produkto sa India tulad ng Lays potato chips na Indian flavor, cello, na national pen daw ng India, ibat ibang chichiria na may tomato and ice cream flavors, kotse na kasya daw ang sampu at iba pang sponsor nito sa bansang iyon.

Yan ang isa sa mga libangan ko dito, kayo gusto nyong magpakabit ng cable ko?

Ramadan 1430

2009-08-28T10:12:00.004+03:00

Ramadan ang pang siyam na buwan sa kalendaryong Muslim at 1430 naman ang taon nila ngayon, ito raw ang buwan kung kailan ibinigay kay Muhamad ang Quran galing sa langit ni Gabriel, ang arkanghel na sya ring nagbigay ng balita kay Maria tungkol sa kanyang pagiging Birheng Ina ni Hesus. Panahon ito ng pag aayuno at pangingilin ng mga Muslim. Nagsimula ito noong nakaraang linggo Agosto 22 at matatapos naman sa Setyembre 19 at taun-taon ay nagbabago ito ng petsa sang ayon sa sinusunod nilang kalendaryo na batay sa pagsikat at anyo ng buwan.

Hindi sila kumakain,umiinom at naninigarilyo o anumang kalabisan sa buwan na ito simula sa pagsikat ng araw hanggang sa paglubog nito sa hapon subalit sa gabi'y malaya nila lahat itong nagagawa. Pumapasok din sila sa trabaho ngunit karaniwa'y anim na oras lang at animo'y laging nagmamadali, ang iba nama'y tahimik lang at di nagsasayang ng lakas upang hindi agad mauhaw at magutom. Hindi namin pwedeng ipakita sa kanila at ipaamoy man lang na kami'y kumakain at umiinom bilang pagrespeto sa tradisyon ng kanilang relihiyon kaya madalas ay nagtatago kami at ipinipinid ng husto ang pantry tuwing kami ay kakain ng tanghalian.

Sa umaga'y madalang ang makikita mong kotse sa daan kung meron ma'y malamang na syento sisenta kada oras ang takbo nito sa pagmamadali upang siguro'y di makaliban sa kanilang pagsasala na malimit gawin sa isang araw at mas mahabang oras kaysa sa ordinaryong araw. Sarado rin lahat ng mga establisyemento at paglubog ng araw ito nagbubukas hanggang sa kalagitnaan ng gabi. Mayroon ding namimigay ng mga pagkain sa kalsada tuwing alas-sais ng hapon upang ang ibang nagugutom na subalit nasa daan pa ay kanilang mabigyan ng pansamantalang pantawid-gutom.

Maiihalintulad ko ang buwan na ito sa buwan ng Adbyento sa ating mga Kristyano kung kailan tayo ay naghahanda sa araw ng kapanganakan ni Kristo. Sila, tulad natin, ay bumibili din ng mga kasangkapan at nagpapalit ng mga gamit sa bahay bago sumapit ang ramadan. Marami ding bilihin ang ibinababa ang presyo katulad ng mga buy 1 take 1, bargain sale atbp, bilang paghahanda sa tradisyong ito.

Ramadan Kareem at Ramadan Mubarak ang madalas mong makikita at maririnig bilang pagbati nila sa isat isa na ang ibig sabihin sa wikang ingles ay generous, bountiful at ang huli nama'y blessed na tulad din kung tayo'y babati tuwing Pasko at Bagong Taon.

Sana'y laging Ramadan dito...

The Lion hearted

2009-06-26T10:44:00.005+03:00

Richard ang pangalan ng isang pinoy na nakasabay ko dito sa kumpanya, magaling at marami na syang karanasan sa trabaho sa Pinas na katulad rin ng aking propesyon. Subalit sa mga oras na ito ay nagbibyahe na sya pabalik dyan sa atin, tinanggal sya dahil ang kumpanya daw ay nagcost-cutting dahil pa rin sa krisis. Sa katunayan halos kalahati ng populasyon ng bawat department ang tinatanggal para makatipid ang kumpanya. Nagsimula ito nang ang may ari nito na minsa'y naging pang animnaput dalawang pinakamayaman sa Forbes magazine at isa sa mga top shareholders ng bankong HSBC ay na-freeze ang accounts dahil sa bilyong pagkakautang sa gobyerno ng Saudi. At ngayon nga'y patuloy ang retrenchment at halos lahat ng mga expat na puti na may matataas na posisyon ay pinauuwi na rin.

Ngunit ang masaklap dito ay dahil tatlong buwan pa lang si Richard kaya wala syang nakuha maski singkong duling at ang kanyang huling sahod ay hindi na ibinigay para daw ito sa kabayaran ng kanyang placement fees atbp. kaya sya pa ang may utang na humigit kumulang na SR700. Nang kanyang itanong kung bakit ganoon ay ipinakita sa kanya ang batas ng Saudi na nasa Article 80 Seksyon 6 na nagsasabing wala kang makukuha kung ikaw ay hired on probation at ikaw lahat ang magbabayad ng gastos mo. Hindi ko alam kung ano ang tunay na ibig sabihin ng seksyong iyon kaya kayo na lang ang humusga. Kami ay nahired as contractor na nasa probationary period pa lang di ko alam kung meron bang trabaho dito na casual tulad sa atin dahil sa pagkakaalam ko sa ganyan applicable ang batas na yan.

Sa makabagong panahon, ang mga batas ng kahit saang bansa ay may mga patas na kautusan na kailangan lamang unawain ng maayos at bigyan ng malawak na kaisipan na walang halong diskriminasyon anu pa mang lahi ang nasasangkot dito.

Si Richard ay isang biktima ng kababawan ng isip ng mga taong ito. Una pa riyan ay ang pagkaka pili ng pangalan nya sa lahat ng roaster ng halu halong letra ng mga pangalan ng Itik at iba pang kailangan mong ibaluktot ang dila mo para mabigkas. Noong una pa lang tawagin ang kanyang pangalan ay naitanong na daw sa kanya kung kilala nya si Richard the Lion hearted at ang sabi nyay hindi, kaya iiling iling at nakangiti lang ito, at tuwing syay magpapakilala kung kaninu man ay sikat na sikat ang kanyang pangalan na para bang matagal ng kilala ang pangalan nya.

Sa mga di nakakaalam o sa mga ayaw ng mag research, si King Richard I ng Inglatera ay tinaguriang 'the lion hearted' dahil sa kanyang tapang at nakilala sya sa pagpatay sa napakaraming moro dito sa Gitnang Silangan na pinamumunuan ni Saladin at iba pang mga sultan noong ikatlong Krusada na tinaguriang krusada ng mga hari.

Si Richard ay uuwi ng halos butas ang bulsa, nakakaawa ma'y wala akong magawa kaya ito na lang ang maitutulong ko. Hindi man lamang sya nailagay sa pwesto ng buong dalawang buwan nyang pagpasok sa trabaho kaya hindi nga nila pwedeng sabihin na sya ay bumagsak sa ebalwasyon dahil ni hindi man lang sya nasubukan, wala rin naman syang ginawang kasamaan dahil hindi naman nya kayang pumatay ng mga moro dahil lipas na ang panahon ng mga krusada.

Sa mga kinauukulan kung sino man ang gustong mamulitika dahil malapit na ang eleksyon, magpapasalamat pa rin ako kung matutulungan nyo ang mga katulad namin sa mga ganitong sitwasyon. Pano na lang kung liman daan kaming manggagawa na na hire at pina alis ng sabay sabay pagkatapos ng dalawang buwan? At sabihing krisis kaya kami'y walang makukuha at kailangan pang bayaran ang placement fee sa Pilipinas. Pati ang aming plane ticket kami rin daw ang sasagot sa ganoong sitwasyon, ito ang maling interpretasyon sa batas...

Sana'y magpa change name na ang mga Richard na nagbabalak pumunta dito.

Da King

2009-05-10T16:17:00.003+03:00

Thursday, halfday lang kami sa office at pauwi na kami sa aming accomodation. Nasa shuttle na kami, ang shuttle nga pala namin dito ay isang bus na katulad ng MALTC, yun bang kulay orange na bumabyahe dyan sa atin na Ayala to Marikina... Napakainit na ng panahon pero pinili pa rin ng mga pinoy na sumakay sa ganitong klase ng bus, ordinary kumbaga sa atin at walang aircon. Tatagaktak talaga ang pawis mo kaya si Manong Rolly ay laging may baong pamaypay ngunit kami'y nagtitiis na lang.

Naitanong ko tuloy kung bakit nagtatyaga kami sa walang aircon na bus?

Ang sagot sa akin ay ganito: "Alam mo dati aircon ang bus natin pero di talaga ubra pag baba mo hindi ka nga pinawisan pero am baho-baho mo naman, amoy putok ang buo mong damit, dumidikit ang amoy na parang di ka rin naligo, eh di magtiis na lang sa init!"
Napatawa ako bigla, kaya wala na lang ako sinabi, inisip ko na lang na nag i snow na sa lamig ha ha.

Sa gitna ng mahabang kalye na binabagtas namin ng huwebes na iyon ay pinatigil kami ng isang pulis, oo, may pulis din sila, chocolate ang suot, eto daw yung mga unang tumatakbo at nagtatago pagka nakakita ng mga terorista...

Pinababalik ba naman kami at lahat ng dumadaan na bus at truck sa daanang iyon at biglang nagsalita ng kanilang lengwahe sa driver naming itik na walang magawa kundi umikot at bumalik sa ruta na aming pinanggalingan.
Kaya lang ay walang ibang daan papunta sa uuwian namin kaya kami'y napilitan na lamang huminto at mag stop over sa isang malapit na supermarket.

Doon ko nalaman sa mga pinoy na cashier na ang hari daw ng Saudi ay naroroon sa kanyang tila rest house na castle na aming daraanan at naliligo daw siguro sa beach kaya hindi magpadaan dahil sa seguridad. Hanggang hapon kami naghintay na halos pumuti na ang aming mga mata ay naliligo pa rin ang hari.

Inisip ko na lang na ganito lang kababaw ang hari naliligo lang sa beach eh yung sa amin naliligo sa salapi...

ATM

2009-04-29T20:31:00.002+03:00

Maraming pinoy ang makapagkawanggawa at likas din sa atin ang pagtulong at hospitalidad. Global depression na nga yata kaya ang lahat halos ng bansa sa buong mundo ay naapektuhan nito. Oo, pati ang aming kumpanya na malaki ang investment sa mga financial company sa abroad ay nakaramdam din ng malaking pagbabago sa paghihikahos na ito.

Marami na nga ring pinoy ang nale lay-off sa amin kasama ng iba pang mga lahi. Ngunit mas lalong nakakaawa yung ibang mga pinoy na nasa maliliit na kumpanya dito sa Saudi. Meron kaming mga kasamahan dito na may mga kakilala sa kanila na kapag gabi'y kumukuha ng mga sobrang pagkain sa aming mess hall upang ibalot at ibigay sa kanila kinabukasan.

Hirap na hirap na nga ang ibang mga OFW dito, ATM na nga daw ang suweldo nila. Ang tanong ko'y "bakit naman maghihirap eh nasa bangko pala ang sahod nila?" Ngunit 'After Two Months' pala ang ibig sabihin ng A.T.M. at minsan pa nga raw ay 'After Three Months' ibinibigay ng kanilang mga amo ang kanilang sweldo at idinadahilan ang mga kaganapan sa ekonomiya.

Subalit matagal na raw itong nangyayari dito lalong lalo na sa mga maliliit na kumpanya at ang mga kapwa naming pinoy ay nagtitiis na lang kahit na walang maipadalang pera sa kanilang mga mahal sa buhay. Iniisip nilang pag sila'y umuwi'y mas lalong mahirap kung tatambay sila ng matagal.

Kung nadarama lang sana ng gobyerno ang paghihirap namin dito at ng iba pang Filipino sa ibang parte ng mundo, kung pinahahalagahan lang sana nila ang mga pasakit na iyon, di sana'y walang magiging baboy na pulitiko...

Movie Marathon

2009-04-24T08:00:00.000+03:00

Yan ang isa sa libangan ng mga pinoy dito maliban sa pag cha chat sa internet. At sino maysabing sa PIlipinas lang maraming pirata na nag aalok ng ‘dvd-dvd!’, andito ang original na accent ng ‘dvd-dvd’ nayan ha ha. Minsan pa nga ay may lalapit sayo na mga ‘native’, na nag-aalok ng cellphone, dvd o piratang software na walang pinagkaiba sa Pinas jan sa may Quiapo o kahit sa Ayala. At sinumang lapitan ay biglang iiling, tatanggi at lalayo na para bang merong sakit na ketong ang kawawang native.
Marami din naman kaming napapanood dito, updated din sa mga bagong palabas, salamat sa internet sharing websites tulad ng ‘the pirate bay’ na isinara na ata at ikinulong pa ang may ari nito sa kasalanan ng isang katulad ko. At kung gusto naman naming manood ng mga lumang movies na paulit-ulit ay nariyan ang HBO, Star Movies at karamiha’y mga Indian Channels na 20 Rial lang ang buwanang bayad sa mga ‘Itik’ na cable operator dito.

Chat...chat...chat...

2009-04-23T07:35:00.000+03:00

Internet age na daw kaya hindi mabubuhay ang sinuman kung walang internet. Makatotohan nga ito pagdating sa kalagayan namin dito at sa lahat ng OFW sa buong mundo. Ito lang kasi ang pinakamurang paraan ng komunikasyon, ang pag cha chat.
Malaki na nga ang nagbago sa teknolohiya na kung dati ay gumagamit pa tayo ng ‘snail mail’na ipinapadala sa kuryo, ito yung liham na ang ginagamit nating papel ay ‘yellow pad’ o kung gusto mong magpa impress ay ‘stationery paper’ ang susulatan mo ng mga katagang, “Sa Minamahal kong…”o kaya nama’y, “Sana’y datnan ka ng sulat ko na nasa mabuti kang kalagayan…” na isisilid mo sa puting sobre na kadalasay may tatak na “via airmail”.
Iba na nga ang panahon, iba na ang mga tao ngayon at isa sa nagpalakas ng aking loob na magtrabaho dito at mawalay sa aking mga mahal sa buhay ay ang Internet. Naisip ko ang propagandang minsa’y ginamit ng isang telephone company, “malayo ma’y malapit din!” na s’yang inukol sa mga Pinoy na nagtatrabaho sa abroad upang gamitin ang kanilang serbisyo sa komunikasyon para makausap ang kanilang mga mahal sa buhay na nasa malayo. Nang dahil sa internet ay hindi lang makapag uusap ang nagmamahalan kundi’y magkikita pa ang isa’t isa sa pamamagitan ng web camera at magpapalitan ng mga katagang langit ang hangganan.
Sa pag aakalang mapapawi na ang lumbay at pagka homesick sa pamamagitan nito ay kung maaari lang na buong panaho’y gusto kong gugulin dito. Subali’t iba pa rin talaga na malapit ka sa iyong minamahal, ang kagustuhan mo minsan na yumakap at sila’y hagkan ay walang kapalit na kaligayahan…
Pero kahit papano’y nagkakasya na lang kami sa ganitong paraan na kung ikukumpara mo kaysa noon ay di kawasa’y mas mapalad naman.

Oh my gas...

2009-04-18T09:45:00.008+03:00

Rial ang currency ng Saudi Arabia at halala ang tawag sa kanilang barya, ang 1 Rial ay binubuo ng 100 Halala at sa 50 halala dito ay bubble gum lang ang mabibili mo. Pero teka lang... mura nga pala ang gas dito, 45 halala lang kada litro ng 91 Octane na unleaded at yung 95 Octane naman na premium sa Pinas ay 60 halala lang. Kung pwede nga lang magpa LBC ng fuel ay matagal ko na ginawa o kaya naman ay mag email na may fuel attachment. Mas mura pa nga ito kaysa sa tubig kasi ang 350mL ng mineral water ay 1 Rial na ang halaga kaya kung matapang ang sikmura mo pwede na rin siguro tong inumin ha ha ha.

Eh bakit kaya hindi makadiretsong angkat ang ating bansa dito? Di sana ay di lalagpas ng sampung piso ang kada litro ng gas sa atin. Presyo pa naman nito ang malimit pagsimulan ng mga kaguluhan sa atin tulad ng welga, pagtaas ng bilihin, pagtaas ng pasahe at tigil pasada ng mga pampublikong sasakyan.

Minsan nga sumakay kami sa taxi dito, anak ng pating!, Camry yung taxi, mahal to sa Pinas ah! dumaan kami sa gasoline station at nagpakarga yung Itik na drayber ng full tank, ang binayaran nya lang ay 21Rial sa halos 48 Liters na karga ng sasakyan nya pero ang siningil nya sa amin ay 30 Rials mula sa city hangang sa aming camp kaya tubong lugaw ang itik...

At dahil nga siguro mura ang gas dito kaya siguradong mura na rin ang mga sasakyan. Malimit mong makikitang naka park lang sa tabi-tabi at nababalot ng isang pulgadang alikabok ang mga BMW, Mercedes benz, Lexus at iba pang luxury cars sa atin. Kung open city nga lang ang Saudi ay baka balakin na naming tumira dito kahit na may sand storm!

Arabic Numerals-101

2009-04-17T10:26:00.001+03:00

Hindu- Arabic 9 8 7 6 5 4 3 2 1 0
Middle East Arabic ٠ ١ ٢ ٣ ٤ ٥ ٦ ٧ ٨ ٩

Yan ang number natin na hiniram nga pala natin sa kanila, kaya yung mga tinatawag naming itik ay malaki rin pala ang naiambag sa paglinang ng mathematics. Mahalagang kahit man lang ang mga numerong iyan ay aming makabisado dahil ito ay ang nakalagay sa kanilang pera, plate number, at mga traffic signs o telephone numbers na minsan ay nakasulat nang wala talagang hindu-arabic translation.

Halimbawa na lang ay sa kanilang pera, ang kabila nito'y may numerong arabic at ang kabila nama'y normal na numero, ito nga yung hindu-arabic na syang universal number, subalit kapag ibinigay sayo ang salaping ito'y kailangan mo pang ibaligtad isa-isa upang mabilang na maayos ang tunay na halaga nito.

Alamin kung ilan ang speed limit ng traffic sign na nasa larawan?

Flintstones' age

2009-04-14T09:06:00.003+03:00

Gaano ka man kagaling mag Ingles sa Pinas ay kailangan mong bumalik sa panahon ni Barok at Tarsan. Dito kasi'y di ka kayang intindihin ng ibang lahi lalo na kung lalagyan mo pa ng accent ang iyong salitang ingles, di mo na kailangan ng tenses at mga paningit o kung anu anomang napag aralan mo sa grammar. Di nga naman kasi importante ang tamang grammar kung ikaw naman ay di maiintindihan at mauuwi lang sa pagsisigawan at minsa'y baka pagsimulan pa ng away.
Ah at sabi pa nga pala nung isang pinoy na nakausap ko, pag daw nagsalita ka ng diretsong ingles dito sa ibang lahi at di ka nila naintindihan, ikaw pa yung di marunong at walang alam, ha ha ha... ang masama pa nyan baka sabihan ka pa ng ‘mokh mapi’ na ang ibig sabihin ay wala kang utak.
Buti na lang at di ako magaling sa wikang ingles kaya magkakaintindihan kaming mabuti, eto ang mga malimit naming gamitin ditong salita, ‘why like that?’, ‘come now!’, ‘what is this ha?’, ‘what are you?’, at iba pang salita sa diksyunaryo ni barok. Nagdala na nga ako ng diksyunaryong arabik-ingles para nang sa ganun ay gawin ko namang barok yung kanilang wika para man lang makabawi, yabba dabba doo…mokh mapi sadiq!

'My Friend'

2009-04-13T20:14:00.000+03:00

Sadiq ang tawag dito sa kaibigan, ang ibig sabihin nito sa wikang Ingles ay 'sincere friend', yan ang madalas tawagan dito kung tatawagin mo ang ibang lahi. Ngunit ang salitang yan ay nag evolve eka nga sa kahusayan ng mga pinoy mag innovate. Bawal dito ang lahat ng uri at klase ng alak, may mabibili ka nga rito sa 'baqala' na budweiser pero pag binasa mo na ay non-alcoholic ang label kaya kung ako ikaw ay bibili na lang ako ng rootbeer.
Subalit dahil nga sa kagustuhan ng mga pinoy na dalhin dito ang mga habit na kanilang ginagawa sa Pinas ay naimbento nila ang 'sadike o sadiqe', ito ay ang paghahalo ng yeast at asukal at pag eksperimento na parang destileriya. Nakabuo sila ng isang malinaw na katas na nakalalango katulad ng 'gin'. Ito ang kanilang iniinom kung gusto nilang magkatuwaan, tuwing may birthday at iba pa. Yan ang pinoy kaibigan talaga ang alak na tinawag nilang sadike at di mo talaga kayang paghiwalayin saan man sa mundo.

Pinoy Foods

2009-04-12T11:13:00.002+03:00

Meron kaming pinoy na cook dito kaya pagkaing pinoy pa rin ang kinakain namin hiwalay sa mga pagkaing dilaw ng mga itik. Ngunit isang linggo lang ang schedule at ito'y ulit lang ng ulit kada isang linggo kaya kahit ikaw ay ma me memorize mo kung ano ang pagkain sa araw na ito. Sabi ko'y bakit hindi palitan o kaya'y gumawa ng buwanang talaan ng iluluto para naman humaba ang pagitan bago maulit ang isang partikular na pagkain. Ang sabi sakin nung ibang beterano dito ay hindi daw kasi yung pinoy cook ang gumagawa ng schedule kundi yung manager nya na ibang lahi at sya ay luto lang ng luto. Kung ano daw yung inabutan nila maraming taon na ang nakararaan ay yun pa rin daw ang sinusunod.

Kaya pag ako'y umuwi sa Pilipinas wag n'yo akong lulutuan ng manok, mamoy naman... kasi dito'y malimit na ulam ay fried chicken, adobong chicken, kalderetang chicken, hotdog na chicken, langgunisang chicken at kung beef naman ang ulam na di ko kinakain ay bumibili ako sa 'bacala' o tindahan ng sausage na chicken. Galing no? Kulang na lang ay magka palong kami at lumaban ng derby. Kapag nga sabado ng gabi at sa ibang araw na isda ang ulam tulad ng daing na bangus at pritong galunggong ay tuwang tuwa ako, he he, mukha kasing sumasarap ito kaysa nung nasa Pinas ako.

Sana nama'y magbago ang pagkain namin, pwede naman kasing corned pork na asa lata ng corned beef o kaya purefoods hotdog na may label na chicken, o kaya naman ay shrimp tempura, alimasag at sari-saring seafoods. Pangarap lang yan!

Dog barks

2009-04-12T10:51:00.002+03:00

Magdadalawang linggo na kong inuubo sanhi ng lahat ng bagay na nagbago, mapaklima, alikabok, dumi o hangin at kung anu ano pa. Sabi nga nung ibang kasama ko dito eh kilala ko naman daw sila ay bakit ko pa sila tinatahulan, sabi ko'y paglalambing lang yun di mo lang ako maintindihan...

Doon nga sa room ko sa office ang mga kasama ko ay puro programmer na ibang mga lahi, bawal mag ingay ngunit ang tahol ko ay lalong pasaway ha ha. Di ko naman kasi makontrol kaya patawarin na lang nila. Ang sabi nga ng boss ko sakin, "You arrr just neww to Saudi Arrabia, you will still adjust to the climate..." Palestinian ang boss ko subalit Canadian citizen na, dual citezenship din tulad ng iba. Nagbakasyon nga sya ngayon sa Canada ng 10 araw kaya kami'y relaxed at walang ginagawa.

Desalinated

2009-04-10T21:52:00.004+03:00

Ito ang tubig dito, 'desalinated', galing kasi ito sa dagat at tinanggalan lamang ng asin sa pamamagitan ng makabagong teknolohiya na nagumpisa ata sa Estados Unidos kung hindi ako nagkakamali. Dito kasi'y desyerto kaya walang bukal na tubig sa ilalim ng lupa, tuyot, kaya ang lawak ng dagat ang syang pinagmumulan ng tubig. Subalit ang aming pang araw-araw na ginagamit na panligo man o panghugas ay maalat-alat pa kaya ito'y hindi pwedeng mainom. Meron lang sadyang na filter ng maayos at nakalaan para inumin. Yung ibang pinoy nga dito'y bumibili pa ng mineral water galun- galon para lang merong inumin na tiyak na malinis at di maalat. Kapag ika'y naligo sa shower ay para ka ring naligo sa dagat na hindi nagbanlaw buti na lang at hindi pa nagiging blonde yung buhok ko sa dami ng asin na natuyo dito. Hindi rin maaari na sabon lang ang iyong gamitin na wala man lang shampoo o conditioner kundi'y tiyak na pwedeng gawing kadena ang buhok mo na akala mo'y sinaniban ka ng lakas.

Good Fridays!

2009-04-10T21:18:00.000+03:00

Di kami nakakapagsimba dito dahil wala namang simbahang kristyano at bawal pa nga kahit na anong bagay na may kinalaman sa kristyanong relihiyon mapa rosaryo,bibliya at larawan ng santo. May pasok din kami tuwing sabado at linggo, huwebes at biyernes lang ang day off pero ang huwebes ay half day pa nga.Kasalanan ang di mangilin subalit wala naman kaming magawa, alam naman ng nasa Taas ang aming sitwasyon tiyak ko.
Day off namin ang mahal na araw, good friday nga ang tawag dito at lahat ng friday dito ay good dahil walang pasok at pwede kaming mag relax o mamasyal sa mall. Tuwing biyernes lang din kami nakakabawi ng tulog kahit maghapon at magdamag kami magkulong sa kwarto at magpahinga. Minsa'y namamasyal kami at namimili sa khobar saka kakain ng mga pagkaing di inihahain dito katulad ng sizzling seafoods at iba pang pagkaing di nakakasawa.

Sand Storm

2009-04-07T20:17:00.000+03:00

Nagpacheck up ako sa Pilipinas bago ako lumipad patungo dito, sabi ng duktor meron daw akong allergic rinatis, masyado raw sensitive yung ilong ko sa mga nalalanghap ko katulad ng dumi,usok,alikabok at kung ikaw ay di naligo sa umaga. Ito daw ay namamana at di na nagagamot subalit nako kontrol lamang, kaya pala ganun na lang kung ako ay mag sneeze, kung ang normal na tao ay nag hahatsing ng isang beses pag merong dust na pumasok sa kanyang ilong ako ay apat o limang beses. Naku pano na to! ang pinuntahan ko pa namang bansa ay laging may sand storm at hindi ito kayang iwasan. Eto ako ngayon inuubo na po pero sana masanay din ako sa ganitong klima at temperatura.
Nung isang araw lang ay buong araw at gabi na may sand storm,pag ganito ay malabo ang kalawakan na parang foggy subalit sa halip na ulap ay mga buhanging pinong pino, kailangan talaga na may takip ka sa ilong kundi'y masama sa baga ang makalanghap ng maraming alikabok. Baka nga kapag ako'y nagpaxray dito ay disyerto na ang makita sa baga ko sa dami ng pumasok na alikabok. Kaya nagpaschedule ako sa ospital para tingnan kung pwede na bang ilipat sa Pilipinas ang desyerto na aking pinakatatago.
Kailangan talaga dito ng dust mask upang makaprotekta sa aking kalusugan at para kaming lahat ay magmukhang mga ‘Maskman’

Alkhobar City

2009-04-04T20:31:00.003+03:00

Maganda ang Alkhobar, syudad at maraming establisyemento at pamilihang tiange tulad ng sa Pinas. Maikukumpara mo nga ito sa pinaghalu-halong greenhills, baclaran, divisoria at quiapo isama mo pa ang Binondo. Marami ding pinoy na nagkalat dito mapa galing sa ibang parte ng Saudi o mismong mga nagtatrabaho dito bilang barbero, sales attendant, teller, representatante ng bangko sa Pinas atbp. Meron pa ngang mga restoran dito na ang pangalan ay 'kabayan' na syemprey mga pinoy lamang ang kumakain at mga lutong pinoy din ang inihahain tulad ng adobong manok, pritong manok, chicken curry, tinolang manok at maraming klase pang luto ng baka at seafoods. Di nga kasi pwede ang baboy dito subalit maraming baboy!

Masarap nga pala dito ang 'broasted' yun ay wala pa sa Pinas, nasa 10Rial lang na pwede mong sabihing P120 sa Pinas ngunit mas mabubusog ka naman kaysa sa 2pc chicken joy ng jolibee.

Ito kasi ay may 4 na malalaking hiwa ng manok, may kasama ding french fries,ketchup, mayonaise,soda in can at 'kubus' ito ay parang pita na tulad ng balat ng shawarma na mas makapal lamang na nagsisilbing tinapay. Sabi nga ng ilan yung 'kubus' daw ang ginamit na unang hostya ni Hesus kasi ito ang pangkaraniwang tinapay dito na bilog, gawa sa trigo at madaling hatiin.

Mura din ang ilang bilihin dito sa Khobar kaya lang ay wag kang mag co convert sa pera ng Pinas dahil ang mura dito'y standard ng bansang ito at ayon din sa iyong kakayahang bumili. Wala ka ditong mabibili sa pagkakaalam ko sa anumang groserya na mas mababa sa 1Rial. Pero kung iisipin mo na ang Pepsi in can ay 1 Rial lang ay mamamangha ka at mamumurahan.

Dito sa Khobar nagpapadala ang mga pinoy ng remittance papuntang Pinas, bukas kasi dito ang mga bangko at ahensya ng padalahan kahit gabi dahil siguro'y alam nilang sa ganung panahon lang sila mapupuntahan ng mga expats. Mukhang mura din dito ang mga ginto na sinasabi nilang 'Saudi Gold', yun ang mga nakikita natin na suot-suot ng mga tiyuhin natin na nakapag saudi noong unang panahon. Dito nila malamang binibili yung mga naninilaw na bagay sa kanilang mga katawan na parang may sakit na hepatitis kung sila'y tingnan. Di ko kasi yun masyado pinapansin kaya di ko pa alam kung mura nga ba kapag ito'y na convert mo sa pera natin. Si Manong rolly nga yung isang kasama namin dito na beterano na sa saudi ay minsang sinabi sa akin kung ako daw ba ay magpapadala ng ginto sa kanya dahil malapit na ang kanyang bakasyon sa Pinas, ang sabi ko'y di naman prioridad sa akin ang ginto basta't ginintuan ang aking puso,at sya'y napatawa ng malakas ha ha ha.

My new Room

2009-04-01T20:16:00.001+03:00

Nakalipat na ko sa building K, ok naman yung room at meron na rin akong unlimited internet connection sa gabi na ako'y darating galing ng opisina. Kaya lang tuwing ako'y darating ay hating gabi na sa Pilipinas dahil sa 5 oras na diperensya, ang pangit ng timezone namin, sana lang 1 o 2 oras lang ang pagitan. May carpet din yung room ko at solo ang kama di tulad dun sa dati na kalawanging bakal na double deck. May sarili akong cabinet at study table at bago bago pang aircon na walang patayan sa buong araw kapag ako'y off sa trabaho. Kailangan kong bumili ng TV upang kahit papano'y makapanood ng mga paulit ulit na palabas galing sa Pinas, ang eat bulaga dito'y pinalalabas ng 3 beses sa isang araw. Magisa pa lang ako sa kwarto dahil yung kasama ko'y nakikitulog sa kanyang katropa na nagiisa sa kuwarto dahil yung kasama'y nagbakasyon ng 2 months d'yan sa Pinas.

The Pharaoh

2009-04-01T20:14:00.001+03:00

Isa sa mga lahing nagtatrabaho dito ay mga taga Ehipto,oo yun yung merong mga pyramid at sa pinagdausan ng pelikulang 'the mummy'. Marami sa kanila dito ay matataas ang posisyon sa kumpanya dahil sabi nila sila daw ang 'builder ng Saudi Arabia', totoo nga naman yata dahil matagal na panahon na ang nakararaan,noong uso pa ang mga mummy at paraon sa Ehipto ay meron na silang magagandang teknolohiya na advanced kaysa sa ibang bansa sa asya o sa buong mundo man. Isang gabi ay meron akong nakausap na taga Ehipto, mukha nga syang matalino at may pinag aralan. Habang kami'y nag uusap ay naitanong ko sa kanya kung meron pa ba silang Pharaoh, ngumiti sya sakin at tumawa at sinabing 7 thousand years ago pa daw ang kahuli hulihang namunong paraon sa kanilang lugar. Natawa rin ako sa sarili ko dahil bigla lang kasing pumasok sa isip kong magtanong dahil tuwing ako'y makakakita ng Egyptians ay pumapasok sa isip ko ang kanilang kultura at magandang kasaysayan. Subalit taliwas sa aking mga sinabi'y marami din syang mga kalahi na walang pinagaralan na kung meron man ay hindi naman ganun kagagaling kumpara sa mga pinoy na ka level nya sa trabaho. Sabi nga nung isa kong nakausap ay kapag nakakita ka daw ng pinoy na gumagawa ng sira ay malala na ito ngunit kung ibang lahi katulad ng mga taga Ehipto, ito ay pagpapalit lang ng ink sa printer o pag lipat ng lugar ng mga aparato. Kaya lang ang isang negatibong resulta ng kagalingan ng mga pinoy dito ay ang hindi sa kanila pagpapahawak ng mga advanced na teknolohiya na ikinakatakot ng ibang lahi na maungusan sila, bihira din sila magpromote ng pinoy upang sila'y manatili sa ibabaw kahit mga walang nalalaman. Siguro'y hindi na talaga mawawala ang pulitika sa lahat ng bagay, kailangan siguro'y makibagay ka lang, bakit pa nga ba nagkaroon ng kurso sa kolehiyo na polsci o political science? Sa lahat ng bagay merong pulitika katulad ng ginawa noon ni Cleopatra sa mga Caesar ng Roma.

Sala!

2009-03-27T20:13:00.000+03:00

Muslim countries ang napasukan ko,ang batas dito'y batas ng relihiyon kaya mas makapangyarihan pa ang mga motawa o ang kanilang mga high priest kesa sa mga pulis pagdating sa mga paglabag sa batas ng kanilang bansa. Subalit hinahangaan ko ang mga totoong muslim na taimtim na sumusunod sa mga aral ng quran. Dito ay halos limang beses sila nagsa sala,ito ay ang paraan ng kanilang pagdarasal,ang pagluhod na abot lupa ang ulo ng ilang beses kahit san sila naroroon at inabutan ng oras ng dasal. Sa kanilang mosque ay mayroong malakas na speaker sa labas upang ang mga sumasampalataya ay magsilapit at magsala sa loob nito. Magaganda ang halos lahat ng aral ng quran, marami lamang ang may maling interpretasyon dito. Sa kanilang pagsasala ay walang mataas na tao na kinikilala, lahat sila kahit ang pinakamayaman at kilalang tao ay humahalik din sa lupa. Dito mo makikita ang totoong muslim na malaki ang diperensya sa mga muslim sa Pilipinas na malimit ay kinatatakutan. Ganunpaman ay di pa rin kayang tinagin nito ang aking pananampalataya, mas malakas ang aking pundasyon kaysa sa iba. Marami na nga ring pinoy ang nagpaconvert dito at kahit ako'y namangha sa kagalingan nilang magbasa ng mga lengwahe ng arabo sa ganun kadaling panahon. Madali rin nilang naisaulo ang mga sinasambit sa tuwing sila'y nagsasala na nasusulat din sa wikang arabo at kadalasay mahaba haba din.

The ITIK experience

2009-03-20T19:45:00.002+03:00

Dumating kami sa kumpanya pagkatapos ng mahabang sandali ng pagaantay sa sundo namin, pinagfill up kami ng mga dokumento at pinagpasa ng mga kailangan daw sa pagkuha ng iqama, ito ay ang kapalit ng pasaporte na kanilang kinuha at katibayan ng iyong pamamalagi sa Saudi Arabia. Dito namin nakita ang karamihang lahi na nagtatrabaho dito ay binubuo ng mga Indiano, Pakistani, Bangladeshi at Egyptians.Subalit ang mga Indiano ang tiyak na makaaagaw sa iyong atensyon, sang ayon sa mga pinoy na nakausap namin ito raw ay binansagan nilang mga itik dahil sa pagiging salahula, walang modo at baboy!,sabi nga nung isang ilokano ay 'damak'. Kumakain sila ng halos kanin na may bahog na dilaw na sabaw araw araw at kung magkamay ay punong puno ng dilaw na kanin ang halos lahat ng mga daliri at kanilang palad. Sobrang babaho din ng mga ito dahil na nga siguro sa kanilang kinakain na kapag katabi mo sa bus ay bigla ka na lang mahihilo. Siguro'y natural na sa kanila ang ganoon at iyon ang kanilang kinalakhan subalit ang tinatawag na 'hygene' ay dapat pa ring mangibabaw dahil naiiba tayo sa mga hayop. Sa totoo nga nyan eh kinamuhian nila ang pelikulang 'slumdog millionaire' dahil sa paglalabas nito ng mga pangit na kaugalian at kultura sa ilang mga parte ng kanilang bansa ngunit ng ito'y magwagi bilang pinakatampok na pelikula ng taon sa 'Oscar' ay biglang nagbago ang ihip ng hangin. Ipinagmalaki nila bigla at mukha pang ipinakita ng mga itik dito kung pano maging tunay na 'slumdog'.

Ginagawa na lang naming biruan kaysa seryosohin ang mga bagay na ito at pasasaan ba'y masasanay din ako, tuwing maguusap nga kami na kahit nasa harap ng mga ito ay malaya naming nabibigkas ang mga katagang Itik na hindi nila nauunawaan.

Trip to Bahrain

2009-03-15T21:00:00.001+03:00

Lumipad muli kami at makalipas lang ang isang oras ay nakababa na naman subalit gabi na iyon at kami ay nasa ibang bansa na naman. Maganda ang Bahrain open city din daw ito kaya malayang nakagagalaw ang mga tao na hindi na kailangan magsuot ng kung anu ano, pero maraming babae pa rin ang nakakulubong ng itim na parang di na nila kailangang huminga. Dumaan kami sa samut saring immigration ng Bahrain dahil kami ay makikiraan papuntang AlKhobar, Saudi sa pamamagitan lamang ng bus. Yun ang aming totoong destinasyon pero inabot pa rin kami ng hating gabi sa lahat ng mga check point para sa aming pasaporte.bisa at bagahe. Ganunpaman ay nagenjoy kami kahit papaano sa mga tourist attraction na handog ng mga magagara at nagtataasang building dito habang kami'y naglalakbay.

WoW pinoy

2009-03-14T17:31:00.000+03:00

Sa kinainan namin doon ay sobrang mahal kung ito'y bibilhin ang maliit nilang mineral water na ang tatak ay 'alain' ay nagkakahalaga ng US$1.39, mataas pala talaga ang standard of living doon. Ang isang tasa ng kanin nga ay 15 dirham subalit ang chicken hotdog at french fries ay 10 lamang kaya nagtyaga na lang kami dun sa hotdog nung ginutom kami mga alas tres na ng hapon. Kahit na mahal ay medyo nabawasan ang pag aalangan namin ng magbayad kami ay pinay ang kahera, si manang na sinuklian ang baon kong dollar para maibayad ko sa aming kinain na ang halaga ay humigit kumulang na 30 dirham. Naglibot libot kami sa mga duty free daw na boutique subalit ng tingnan namin ang mga presyo ay doble pa ang halaga kesa sa Pinas doon namin nakita ang ibang pinoy na store attendant sa mga gadgets at iba pa.

Waiting...anak ng weteng!

2009-03-14T17:29:00.000+03:00

Sa wakas ay nakababa rin subalit hindi sa Abu Dhabi kundi ay sa ibang airport para magpakarga ng gas na naubos sa taas.Naghintay kami ng matagal hangang sa wakas ay pwede na raw lumapag sa tama naming destinasyon kaya ito'y lumipad ng muli. Nakababa kami in one piece eka nga sa abu dhabi subalit naiwan naman ng connecting flight patungong Dammam kaya ang solusyon ng airline ay magantay hangang hapon at sa flight patungong Bahrain kami isasakay. Ganun na nga ang nangyari naghintay na naman kami sa flight na iyon nang maghapon buti na lang at sinagot ng airline ang packed lunch doon sa isa sa mga resto sa airport.

Round TRIP

2009-03-14T17:25:00.000+03:00

Nakaupo kami sa gitna, sa may pakpak pero swabe nga dun at hindi magalaw mahirap nga lang makita yung view sa baba. Naitanong ko kasi sa boss ko yan kung san maganda ang pwesto sa eroplano, sabi nya sa gitna nga daw. 24 hours bago ang flight ay nakapag reserba na ko ng upuan sa pamamagitan ng online checkin sa website ng Etihad, ok yung feature at wala pa yata yun sa ibang airline. Number 24 kami na magkakatabi, tatlo kasi kaming sabay sabay na parehong kumpanya ang pupuntahan kaya ng makita ko sa website na pareho ang Reference number namin ikinuha ko na rin ng upuan. Boeing 777 yung eroplano at ito pa lang yata ang pinakamalaki sa mga ginawa na ng naturang kumpanya, tatluhan na tigtatatlo pa ang hanay ng mga upuan at kanya kanyang upuan ay may sariling 10" lcd tv na sabi sa kanilang website ay mas malaki kaysa sa economy class ng ibang airline. Mag ta take off na kaya meron ng arabic na nagsalita at ang display sa tv ay 'travel prayer from holy quran', tumahimik kami at nagdasal ng sang ayon sa aming relihiyon. Bumwelo na yung eroplano at lumipad ng pataas hangang sa maabot ang mahigit yata sa 30 libong talampakan ako namay panay ang nguya sa bubble gum na aking isinubo bago lumipad. Maya maya pa'y binigyan kami ng mga inumin, pagkain at head set. Inexplore namin yung touch screen na tv sa harapan at ang mga movies na pagkarami rami, ngunit nagulat ako dahil merong pelikulang Pilipino ngunit di ko pinili kasi ang title ay 'Ploning', wag magalit Juday fans he he! Nanood ako ng sari sari tapos sinubukan ko matulog sa background ng mga kanta ng 'The Police', naalimpungatan na lang ako dahil ang oras sa aking relo ay alas nwebe na, ala una nga pala kami ng madaling araw umalis sa Pinas at ang aking orasan ay Manila time pa. Dumungaw ako sa bintana subalit madilim pa rin, iba na nga pala ang time zone ng panig na ito ng mundo.Biglang merong nagsalita na sya daw ang captain at kami ay hindi makalanding dahil nakahold ang airport ng Abu Dhabi sa di ko malamang kadahilanan kaya kami ay umikot ng umikot hangang sa unti unting sumikat ang araw. Maiinit na, subalit walang humpay na pagikot ang ginawa ng eroplano sa pag aakala naming meron daw sand storm. Biglang nasambit nung kasama ko,"round trip tayo brod ah?" Ito po ang totoong meaning ng round trip dahil sa hindi makababa'y umikot na lang ng umikot.

The Flight

2009-03-14T17:13:00.002+03:00

Malungkot ngunit pinipigil ko ang aking sarili, mababa lang din ang luha ko subalit ayaw kong umiyak o lumuha, iniisip ko ang mga masasayang alaala na lumipas at mga magagandang bagay na darating sa aming buhay sa kabila ng bahaghari. Inihatid ako ng aking asawa't mga anak at ng aking dalawang kapatid na babae sa airport, para akong nakalutang sa hangin, confuse at di alam ang gagawin.

Pumasok ako upang mag check in ng bagahe at ng ma isyuhan ng tiket nais kong lumabas sandali upang makahalik muli man lang at magbigay ng huling habilin at paalam at least ng personal ngunit ayaw na akong payagan ng babaeng gwardya. Umisip ako ng mga kasinungalingan para magdahilan na kunway meron pang naiwan at wala pang baong pera pero lahat ito'y di umubra, natawa na lang ako sa sarili subalit ng akoy sumuko na ay naawa siguro ang ale kaya akoy tinanong, "di pa ba kayo nagpapaalaman? sige bibigyan kita ng 5 minutes pero limang minuto lang!". Natuwa ako't nagpasalamat at kumaripas ng takbo palabas, dooy nadatnan kong naghihintay ang aking mag iina, umaasa na muli nila akong masisilayan kahit sandali man lang. Ang 5 minutes ay parang limang segundo lang sa ganoong mga sitwasyon, pinilit ko na ring ihakbang papasok ang aking mga paa sabay hatid ng tingin sa kanila sa aking likuran, eto na... ang aking asawa'y umiiyak na. Nagpigil pa rin ako ng konti pero nangilid ang luha ko, pumasok ako sa gate at bumalik sa Exit upang magpasalamat uli sa aleng gwardya saka upang kunin ang tiket ko na kanyang kinumpiska muna. "You are my angel!", yun ang nasambit ko pagkaabot nya sa akin ng tiket, tumawa sya ngunit sabi nung isa ay "bakit angel lang?" pero ako'y tumalikod na at umalis dahil ang baon ko lang pera ay sapat sa akin at ito'y naipalit ko na ng ibang currency.

Dumaan ako pagkatapos ng immigration at ang aking bag ay iniscan at ako'y biglang tinawag ng immigration pulis at ang aking bag ay pinalalapit sa kanya. Hinalukay ang laman ng aking hand carry at maya maya pa'y inilabas nya ang aking bagong spray na asa lata at ang aking toothpaste. Hindi raw yun pwede sa cabin, kung gusto ko daw eh ibagahe ko na lang yun ng solo sa isang bag o ihulog na lang dun sa box ng mga nakumpiska nila. Para hindi na tumagal ang usapan hinulog ko na lang, sayang! pero inisip ko na lang na ang gagamit nun eh yung walang wala sa Pinas,iskwater. Charge to experience sabi nga nila.

PROLOGUE

2009-03-13T16:54:00.000+03:00

Mahirap po talagang maging bayani, isang bayaning pikit matang tumutulong sa gobyerno para magpasok ng dolyar kahit na alam naman natin na yung iba lamang ang nakikinabang nito. umalis ako sa Pinas para hamunin ang sarili ko sa mga katagang "No guts, no glory" at para maiahon ang aking pamilya sa ilalim ng yungib na likha ng ating pamahalaan. Di ko alam kung sa aming mga nandirito ay ako lang ang naninisi ng gobyerno pero kahit yata saang angulo mo tingnan ay iyon pa rin ang magiging konklusyon ninuman. Subalit sa ibang kadahilanan ay lubos din itong makatutulong sa akin sa pag linang ng iba pang kakayahan sa aking propesyon, kagaya ni Rizal na nangibang bayan upang magpaka henyo at pagkatapos ay inialay ang kakayahang ito para sa bayan.